Jagung

Nemuka nuan jagung manah ke pengerai tubuh kitai? Jagung tu bisi mayuh pemanah iya, iya nya vitamin A, B1, B6, C, Kalsium, Fosforus, Zat besi, serat, enggau bisi minyak ti cukup manah ke pengerai tubuh kitai.

Enti suah makai jagung, iya ngemai pemanah ngagai tulang kitai, ngeli, buk enggau ati kitai. Jagung mega manah, iya ulih nurunka darah ti tinggi serta ngelaju ke ai kemi, ai kemi lancar bejalai. Jagung mega bisi karbohidrat ti meri pengering ke tubuh kitai. 

Jagung manah diempa maya diet, laban iya nadai lemak, kolesterol enggau mimit kalori. Jagung ti dikukus, rebus tauka ditunu ulih mansutka phenolik iyanya asid ferulik ti nurunka risiko kanser enggau penyakit jantung.

Jejampu(bayam/spanich) 

Jejampu ulih ngeringka kaki kitai kelimpah ari dagin mirah. Jejampu bisi Mineral, Vitamin A, B(vitamin B komplek) B1, B2, B6, C, E, K, Kalium, Magnesium,  Zat besi, mangan, zink, Asid Folik, Flavonoid, Asam Folat enggau Kalsium ti ngemai pengerai ke tubuh.

Asid Folik ulih nurunka peluang(risiko) sakit jantung. Jejampu mega ulih ngelaban kencing manis. Vitamin K, ulih nulung ngelaban penyakit osteoporosis (penyakit tulang repuk). Flavonoid dalam jejampu ulih nagang kanser paru-paru, kanser ovarium enggau kanser prostat.

Zat besi dalam jejampu ulih nambahka darah. Asam Folat ulih nagang cacat untak ba anak mit ti di dalam kandung. Kalori dalam jejampu 23 auns aja dalam siti-siti daun.(1 auns(ounce) : 28gram)

Tomato

Tomato mega siti ari sebansa sayur ti manah ke pengerai kitai. Tomato bisi lycopene ti nulung nyaga kulit ari pancar matahari. Tomato mega bisi kolagen ti ulih nulung kulit ari ngeriut/tendur. Tomato mega ulih nulung jantung. Tomato bisi vitamin A, B1, B3, B5, B6, B7 C, Zat Besi, Kalium(Potassium, Magnesium, Kromium, Fosforus, Asid Folik Antioksida, alpha-liphoic acid, choline, Asid Folik, Beta-Karotena, lycopene enggau lutien. 

Alpha-liphoic acid ulih nulung nukar gula(glukosa) ngagai tenaga.

Lycopene nya meh ngasuh tomato warna oren ka memirah.

Choline nulung kitai tinduk, pejalai kitai(otot), belajar enggau nguatka memori enggau nagang penyakit kronik. Tomato mega ulih nagang sembelit(tusah bira), sakit buah pinggang, batu karang, nyaga sarang kemi. Suah ngirup jus tomato ulih ngasuh buk manah, vitamin K ulih ngeringka urat buk. Makai tomato tiap ari mega ulih nguatka sistem imun, ngurangka darah meku, muai lemak, nyaga mata, nagang strok, nulung meri stabil Biokimia dalam tubuh urang kena penyakit kencing manis.

Tomato mega ulih nagang kanser prostat enggau kanser tusu. (Empa meh tomato sederhana anang kalu mayuh)